بابا، می دل اَرمون-نوحه
بابا، می دل اَرمون
غریب و بی کس و تنهای تنها / دِتِر فِدا هزار زخم زِوونِ اِشنوسِّه بابا / دِتِر فِدا
جِوابِ مَردِم رِه، نِدائِه اَمّا غم و غصه رِه کاردِه شی دل لا
بابا بابا بابا / می دلِ اَرمون بابا بورده بَیِّه / می دل، پِرِ خون
بِرمِه کاردِه پِیِر ، می مارِ واری/ دِتِر فِدا اَصلی بِیه، وِنِ چِشاجِه جاری/ دِتِر فِدا
وِنِ خَلوِت بِیه، بِرمِه وُ زاری وارِسِّه وِه مثلِ، اَورِ بِهاری
بابا بابا بابا / می دلِ اَرمون بابا بورده بَیِّه / می دل، پِرِ خون
نِداشتِه اینجِه وِه اَتّا هَم زِوون / دِتِر فِدا درد دل کاردِه با چاه بی زِوون / دِتِر فِدا
پیِر کِه بِیه وِه مَردِمِ مِیهمون تنها بَیِّه پیر، بی یار و قشون
بابا بابا بابا / می دلِ اَرمون بابا بورده بیّه / می دل، پِرِ خون
جوونی بوی پیری دینه زینب/ دتر فدا دِنیاجِه بوی سیری دینه زینب / دتر فدا
اینجه بوی اسیری دینه زینب بوهای مرگ و میری دینه زینب
بابا بابا بابا / می دلِ اَرمون بابا بورده بیّه / می دل، پِرِ خون
خِدا ره منجلی، بیه می پیر / دِتِر فِدا وصی و هم ولی، بیه می پیر / دِتِر فِدا
خاموش وِنِ گَلی، بیه می پیر چِه وِه قامت پَلی ، بیه می پیر
بابا بابا بابا / می دلِ اَرمون بابا بورده بیّه / می دل، پِرِ خون
صادقعلی رنجبر-4/5/92
انگیزه،دروازه ورود به دهکده جهانی ارتباطات است که بارزترین قابلیتش، عروج به اوج برترین قله های نوین و مدرن عصر انفجار اطلاعات است، فلذا فروتنانه منتظر نظرات شما در صعود به فراسوی اهداف ناب موعودیم.